“НОМИН ТЭТГЭЛЭГТ” хөтөлбөр зарлагдлаа.
НОМИН Холдинг компани нь Тогтвортой хөгжлийн Чанартай боловсролыг дэмжих зорилгын хүрээнд НОМИН Тэтгэлэгт хөтөлбөрийн бүртгэлийг эхлүүллээ. Энэ жилийн тэтгэлэгт хөтөлбөр нь залуусын дээд боловсролыг тэгш хүртэх, тэдний карьер өсөлтөд дэмжлэг үзүүлэх боломжийг бүрдүүлэх зорилготой юм.
Хамрах хүрээ: Улаанбаатар хотод байрлах Магадлан итгэмжлэгдсэн их, дээд сургуулийн 3 болон түүнээс дээш курсийн оюутнууд
Тавигдах шаардлага:
-Сурлагын голч дүн 3.0 ба түүнээс дээш байх (Тухайн голч дүнтэй дүйцэхүйц сурлагын үнэлгээтэй байх)
-Сургалтын төлбөрийн дэмжлэг шаардлагатай суралцагч байх
-Бусад тэтгэлэгт хөтөлбөрт хамрагдаагүй байх
Нийгэм, олон нийтийн ажилд идэвхтэй манлайлагч байж мэргэжлийн чиглэлийн тэмцээн уралдаан, эрдэм шинжилгээний хурал, илтгэл зэрэгт амжилттай оролцсон байх нь давуу тал болно.
Шалгаруулалт:
1-р шат
Өөрийн танилцуулга, хувийн амжилт, зорилго, хүсэл эрмэлзэл, тэтгэлэгт хамрагдах шаардлага зэргийг илэрхийлсэн 2 минутын видео болон бусад бүрдүүлэх материалыг үнэлж эхний шатанд өндөр оноо авсан, шаардлага хангаж буй 50 оюутныг дараагийн шатанд хамруулна.
2-р шат
Мэргэжлийн чиглэлийн хүрээнд эсээ бичиж, илтгэл байдлаар танилцуулна. Шилдэг 15 оюутныг НОМИН Тэтгэлэгт оюутнаар шалгаруулж шагнал гардуулна.
Хамрагдахыг хүссэн оюутнууд 2023 оны 10-р сарын 23-ны өдрөөс өмнө https://docs.google.com/…/1HxNr5UrIZL…/edit холбоосоор орж бүртгүүлнэ үү.